Liami e Dritani ngacmojnë Gertën

Ndërsa Liami dhe Meti janë duke ngrënë bukë, Ermali e Dritani diskutojnë për Provën Javore dhe mbarëvajtjen e saj. Ata komentojnë sjelljen e Edgarit, i cili sipas tyre, mendon se gjithmonë ka të drejtë dhe se vetëm ai ka mendimin e saktë. 

Pak më vonë atje shkon Gerta dhe djemtë të cilët janë në kuzhinë, Liami, Dritani dhe Meti fillojnë që ta ngacmojnë atë për flirtet dhe ngacmimet që është duke marrë nga Arbri. Liami i thotë Gertës se nëse nuk i pëlqejnë ngacmimet e Arbit, ajo mund t’ia bëjë të qartë atij, por Gerta thekson se Arbri nuk i ka thënë gjë haptazi asaj. “Sytë e deklarojnë”, i thotë Liami duke qeshur. “Ju dukeni hapur edhe kur laheni bashkë, edhe kur të hedh dorën nga mesi”, i thotë Dritani. Gerta ndihet më shumë e shqetësuar nga djemtë e shtëpisë, të cilët e ngacmojnë në lidhje me Arbrin, sesa nga vetë Arbri.