Biseda per banoret e reja dhe nominimet

Françeska dhe Liami vazhdojnë të flasin për një kohë të gjatë duke bërë thashetheme për banorët e tjerë. Liam përsëri thotë se i ka ngelur hatri me Edin për ofendimin që ky i fundit i ka bërë. Françeska e con bisedën tek banorët e rinj. Ajo thotë se mendon se Gerta ka për të ecur sepse është e bukur dhe e shkathët, ndërsa Liami thotë se nuk i duket e zgjuar. Për Grandiolën ata ndajnë mendime pozitive. Liami thotë se ajo është më pozitive se dy banorët e tjerë të rinj dhe se ka eksperienca të gjata në jetë. 

Liami dhe Françeska fillojnë të flasin edhe për eliminimin e kësaj jave dhe për finalen. Françeska thotë se ajo mendon se këtë javë midis Metit dhe Lorenës, do të eliminohet Meti. “Mendoj se këtë javë del Meti dhe Arbër mund të shkojë në finale” thotë Françeska, ndërsa Liami thotë se Arbëri nuk ka për të shkuar në finale, por Françeska e kundërshton duke thënë se një prej kosovarëve do të shkojë në finale sepse e gjithë Kosova do të votojë kur ata të jenë në nominim.